Sadie को Snowman र हाम्रा सपनाहरु

जाडो सकिने तरखरमा छ! हिउँले पनि बिदा माग्दै छ वसन्त ऋतु आउँदै छ। चिसो र चिप्लो नहुँदो हो त हिउँको सौन्दर्य झन् कति बढ्थ्यो होला। शान्त आकाशबाट सिमलको भूवा झैँ झर्दै पात बिहीन रुखका हाँगामा  सेतो फुलझैँ सजिँने हिउँको सौन्दर्य बयान गर्नलाई शब्द कम हुन्छन्। यो सौन्दर्य त आफ्नै आँखाले अनुभव गर्नुपर्छ। अझ हिउँ झार्दै गरेको आकाशमा हेर्दा हिउँका कणहरुले अनुहारमा छुँदै जसरि झस्काउँछन् त्यो अनुभव त अलौकिक नै लाग्छ मलाई। तर हिउँलाई यो सौन्दर्य दिएर पुगेन प्रकृतिलाई, चिसो पार्न मन लाग्यो अनि चिप्लो पार्न मन लाग्यो।